Chand se Chehre pe Woh

VN:F [1.9.22_1171]
Rating: 10.0/10 (1 vote cast)

Chand se Chehre pe Woh, aanchal agar dale kabhi

Dhund mein lipti hoi ek chandni lage mujh ko

VN:F [1.9.22_1171]
Rating: +1 (from 1 vote)

Ham ne Tum se magar Muhabbat ki

VN:F [1.9.22_1171]
Rating: 10.0/10 (1 vote cast)

Tum ne dil mein mere sakoonat ki
Or dil ki ajeeb halat ki

Tum ne ham par kiye bohat ehsaan
Ham ne Tum se magar Muhabbat ki

Toot kar door tak bikharta geya
Main ne jab toot kar muhabbat ki

Oss ne pehle jalaye mere khawab
Or phir hijar ki wazahat ki

Aandhion ne chiragh chaat liye
Or phir taqhachon se hijrat ki

Raste doost bhi banein ge mian
Ebtida kejiye tu wehshat ki

VN:F [1.9.22_1171]
Rating: +1 (from 1 vote)

Deewano ka haal na Dekh

VN:F [1.9.22_1171]
Rating: 10.0/10 (1 vote cast)

Husn ka maya jaal na dekh
Deewano ka haal na Dekh

Sheesha garoon ki basti mein
Aaine mein baal na dekh

Shei ko de jati hai maat
Piadoon ki yeh chaal na dekh

Apne watan ke painsath saal
Guzarte hain kis haal na dekh

Siasi been bajaye ja
Kaise hain sur taal na dekh

Apni jholi bharta ja
Jaanta ko khush haal na dekh

Ulti ginti ginta ja
Yaawar maah o saal na dekh

VN:F [1.9.22_1171]
Rating: +2 (from 2 votes)

Zindagi se hoa hai Ishq mujhe

VN:F [1.9.22_1171]
Rating: 6.5/10 (2 votes cast)

Zindagi se hoa hai Ishq mujhe
Kis pari se hoa hai ishq mujhe

Husn oss ka bala ka shookh sahi
Saadgi se hoa hai ishq mujhe

Teergi! shukria ke tere sabab
Roshni se hoa hai ishq mujhe

Paoon parte naheen zameen pe jehan
Oss gali se hoa hai ishq mujhe

Sare jhagre mere ossi se they
Or ossi se hoa hai ishq mujhe

Aise mujhe par khuli woh tishna labi
Tishnagi se hoa hai ishq mujhe

VN:F [1.9.22_1171]
Rating: +1 (from 1 vote)

Tujhe izhar e Muhabbat se agar Nafrat hai

VN:F [1.9.22_1171]
Rating: 10.0/10 (1 vote cast)

Tujhe izhar e Muhabbat se agar Nafrat hai
Tu ne hontoon ko larazne se tu roka hota

Be niazi se, magar kanpati awaz ke saath
Tu ne ghabra ke mera naam na poocha hota

Tere bus mein thi agar mashal e jazbaat ki lau
Tere rukhsaar mein gulzar na bharka hota

Yoon tu mujh se hoien sirf aab o hawa ki baatein
Apne toote hoye faqron ko tu parkha hota

Yoon hi be wajha thithakne ki zarorat kia thi
Dam e rukhsat mein agar yaad na aaya hota

Tera ghumaaz bana khud tera andaaz e khiraam
Dil na sanbhla tha tu qadmoo ko sanbhala hota

Apne badle meri tasveer nazar aa jati
Tu ne oss waqt agar aaina dekha hota

Hosla tujh ko na tha mujh se juda hone ka
Warna kajal teri aankhon ka na phaila hota

VN:F [1.9.22_1171]
Rating: +1 (from 1 vote)